სიახლეები

საქართველოს ნოტარიუსთა პალატისა და საჯარო რეესტრის ეროვნული სააგენტოს  წარმომადგენელთა გასვლითი სამუშაო შეხვედრა გაიმართა. შეხვედრის მიზანი იყო საერთო სერვისების გამარტივება და ხარისხის ამაღლება.

ნოტარიუსებს ფინანსური მონიტორინგის სამსახურის წარმომადგენელმა „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონსა და  „ნოტარიუსების მიერ ინფორმაციის მიღების, სისტემატიზაციის, დამუშავებისა და საქართველოს ფინანსური მონიტორინგის სამსახურისათვის გადაცემის წესის შესახებ“ დებულებაში შეტანილი ცვლილებები გააცნო.

საქართველოს ნოტარიუსთა პალატამ „ნოტარიუსის პრაქტიკული სახელმძღვანელოზე" მუშაობა დაასრულა. სახელმძღვანელოს ნაწილი ნოტარიუსთა პალატის ვებგვერდზე უკვე განთავსდა და მალე მომხმარებლისთვის მისი სრული ელექტრონული ვერსია ხელმისაწვდომი იქნება.

საქართველოს ნოტარიუსთა პალატასა და შავი ზღვის საერთაშორისო უნივერსიტეტს შორის ურთიერთთანამშრომლობის მემორანდუმი გაფორმდა.

დეკემბერში განხორციელებული საკანონმდებლო რეფორმის შედეგად, საქართველოს იუსტიციის მინისტრმა ნოტარიუსები  6 მუნიციპალიტეტში დანიშნა. სართიჭალა, ამბროლაური, წყალტუბო, ქედა, ქარელი, ლენტეხი - ეს ის მუნიციპალიტეტებია, სადაც სანოტარო მომსახურება დღემდე სათანადოდ ხელმისაწვდომი არ იყო და მოსახლეობას სანოტარო სერვისების მისაღებად უახლოეს ქალაქებში უწევდა წასვლა.